Edhe në këtë mandat të tretë që nis në shtator, Taulant Balla dhe Elisa Spiropali do vazhdojnë të jenë në po të njëjtat poste ku shërbyen mandatin e dytë.
Përkatësisht Balla do të mbajë sërish postin e kryetarit të grupit parlamentar të PS, ndërkohë që Spiropali do të vazhdojë të jetë ministre për Marrëdhëniet për Parlamentin.
“Dua të falenderoj kryetarin e grupit të PS dhe Ministren për marrëdhëniet me Parlamentin. Taulanti ka drejtuar grupin me këmbëngulje të spikatur dhe Elisa ka qenë e përkushtuar duke përfaqësuar qeverinë me aftësi në debate parlamentare.
Të dy kanë konfirmimin e tyre në detyrë në mandatin e tretë për ta çuar në një nivel tjetër performancën e PS-së në qeverisje”, tha Rama në takimin sot me grupin e vjetër dhe të ri parlamentar të Partisë Socialiste”.
Më tej Rama shtoi: “Nis puna për 2 fitore të tjera, zgjedhjet vendore të 2023 dhe ato parlamentare të 2025 . Populli do të ndajë të njomët nga të thatët. Mandati i tretë do të jetë më i vështiri, pasi do të rikonfirmohet PS-së 4 vite nga sot”.
