Ish-kryeministri Sali Berisha, bashkëshortja e tij, Liria, dhe të dy fëmijët, Shkëlzeni dhe Argita, janë shpallur pak ditë më parë “non grata” nga Departamenti i Shtetit.
Armina Mevlani, e fejuara e Shkëlzenit, djalit të ish-kryeministrit, nuk preket nga ky vendim.
Gjithsesi blogerja e njohur shqiptare ka komentuar vendimin e DASH, në rrjetet sociale.
Ajo realizoi një bisedë virtuale me ndjekësit e saj në Instagram, ku edhe foli për shpalljen “nën-grata” të Shkëlzenit dhe tre pjesëtarëve të tjerë të familjes Berisha.
Një ndjekëse në rrjetet sociale e pyeti lidhur me çështjen dhe i shkroi: “Më vjen keq për lajmet e fundit dhe jam shumë e sigurt që as ti nuk ndihesh mirë”.
Armina i tha se për arsye politike, “çdo gjë mund të ndodhë”.
“Tashmë kam mësuar që për arsye politike, çdo gjë mund të ndodhë. Edhe pse vetë nuk jam pjesë e politikës. Por ajo që më intereson është vetëm shëndeti im dhe i njerëzve të dashur (për këtë lutem çdo natë pas periudhës së vështirë të koronavirusit). Gjithçka tjetër rregullohet dhe kalon”, ka qenë përgjigja e Armina Mevlanit.
