Pak përpara se të përfundonte procesi i votimit, kreu i KQZ-së foli edhe për kohën se kur mund të dalë rezultati, të paktën për partitë.
Ilirjan Celibashi u shpreh se ky rezultat pritet të dalë brenda 48 orëve.
“Askush nuk e di kush i ka fituar zgjedhjet. Kështu që çdo deklarim i bërë pa nisur procesi i numërimit nuk do t’i shërbente qetësisë së procesit, dhe garancisë së procesit.
KQZ ka marrë masat që ky proces të përfundoj brenda 48 orëve të paktët për partitë politike dhe pastaj të vazhdojmë me nxjerrjen e rezultateve për kandidatëve”, tha Celibashi.
Ndërkohë, në dy qendrat ku u votua dhe do të numërohet elektronikisht, rezultati pritet të dalë në orët e para të mëngjesit të së hënës. /k.k/noa.al/
