Feston sot ditëlindjen e 68-të një nga personalitetet më të spikatur të dijes, që fakteve e figurave historike i hodhi dritë për t’i kthyer ato në të përjetshme, Bardhosh Gaçe!
Është mahnitëse po të shikosh kolanën e pafundme të veprave që ka botuar profesor Bardhosh Gaçe, tregues i qartë i një pune kolosale në të shkruarin drejt dhe saktë të historisë! Shumë monografi heronjsh e mësuesish atdhetarë, interpretime të thelluara shkencore rreth ngjarjeve e proceseve të rëndësishme, përmbledhje shteruese të traditave e zakoneve nga treva e pasur e Labërisë!📚
Arkivat, dokumentet, librat, kujtimet, eksplorimet, të qëmtuara me një dedikim dhe seriozitet si rrallëkush, bënë që shumë aspekte nga historia e gjithë qarkut të Vlorës, e lidhur ngushtësisht me fatet e Shqipërisë, të hidhet mjeshtërisht në letër e të jetë e njohur nga çdo lexues!📝
Njohës mjaft i mirë i folklorit, letërsisë, gjuhësisë, etnografisë, antropologjisë, fusha të cilat kompletojnë një figurë intelektuale poliedrike siç është profesor Bardhoshi!
Vite të gëzueshme dhe plot shëndet profesor Bardhosh Gaçes!🙏
Vullnet Sinaj
