Disa orë pas fillimit të bllokimit të ri në Francë, në mesnatën e së premtes, kishte radhë të gjata për të lënë Parisin. Bllokimi i trafikut preku 700 kilometra rrugë në rajonin e Ile-de-France. Sipas mediave vendase, shumë parisianë janë larguar nga qyteti për të kaluar bllokimin në fshat. Trafiku dhe radhët u regjistruan gjithashtu rreth Lyon dhe Bordeaux.
Sipas kufizimeve të reja, është e ndaluar të largohesh nga shtëpia, përveç se për punë thelbësore ose për arsye mjekësore.
Presidenti Emmanuel Macron shpjegoi se masat e reja janë të nevojshme, sepse vendi rrezikon “të mbingarkohet nga një valë e dytë që padyshim do të jetë më e rëndë se e para”.
Rastet e përditshme në Francë janë në nivelet e prillit dhe të enjten, autoritetet regjistruan 47,637 infeksione me koronavirus dhe 250 vdekje. /NOA/
