Kryeministri Edi Rama është shprehur në emisionin “Opinion” se nuk do të ketë më falje gjobash për morespektim të rregullave të COVID, pasi gjobat do të paguhen në faturat mujore të energjisë.
Për sa i përket detyrimit për të mbajtur maskën, Rama tha se maska do të qëndrojë e detyrueshme për një kohë të gjatë, të paktën deri sa të dalë dimri.
“Ne kemi vendosur gjoba dhe një pjesë e rëndësishme janë paguar. Kjo është një luftë e gjatë dhe sidoqoftë njerëzve u janë bllokuar me muaj të tërë makinat, ideja që t’jau kthejmë është një ide që shkon në sensin e mirëkuptimit. Unë nevoja elektorale nuk kam. Sikur sot të ndaloj së bëri cdo gjë, në 25 prill unë partinë tënde do ta mund. Problemi me gjobat është ky: Maska do të qëndrojë gjatë e detyrueshme, deri në dalje të dimrit. Do ët shohim se cfarë do të sjellë gripi sezonal. Gjobat do të merren cdo muaj në faturën e dritave dhe nuk do të kenë mundësi të falen”, tha Rama.
