Humb jetën nga k oronav irusi mjeku i njohur kirurg, Agron Menzelxhiu, 71 vjeç.
Virusi i ka marrë jetën mjekut të ish-Sanatoriumit në orët e fundit, duke mos ia dalë dot komplikimeve shëndetësore.
Menzelxhiu ishte shtruar në spital katër ditë më parë si pasojë e rëndimit të gjendjes shëndetësore.
Viteve të fundit i ndjeri kishte dalë në pension, duke mos e ushtruar më profesionin.
Lajmin e hidhur e ka dhënë mjeku Perit Vargu duke shkruar: “Agron Menzelxhiu djali i tezes sime! Si na le! Doktori i palodhur që s’ia kurseve ndihmën askujt! Si mund të ikësh kështu nga covidi vetëm sepse u shtrove në spital për një pathologji banale! Mjeku, njeriu i mirë që luftove gjithmonë për jetën e njerëzve! Lamtumire babaxhan i mirë që të mirën ua doje të gjithëve! Askush nuk mund të tjetërsoj, ti do të mbetesh gjithmonë ai, ai që të njeh i gjithë populli! Të qoftë dheu i lehtë, o banor i ri i xhenetit!”
Me rastin e tij shkon në katër numri i mjekëve që kanë humbur jetën si pasojë e koronavirusit, pasi më parë u ndan nga jeta Arjan Pushi, Anibal Byberi dhe Hysni Shkjau. /noa.al
