Braktis djalin e mitur dhe vendos të largohet, 19-vjecarja nga Berati Venera Gjolena u zhduk më 17 gusht të këtij viti. La bosh shtratin martesor dhe në orën 3 të mëngjesit, “arratiset” pa lënë asnjë adresë duke marrë me vete pasaportën dhe kartën e identitetit.
Nëna e saj, Engjellushe Avdiu, shprehet se mëngjesin e 16 gushtit, Venera bashkë me djalin e saj 2-vjeçar dhe me bashkëshortin shkuan në Vojnik të Beratit, në shtëpinë e prindërve të saj për t’i ndihmuar. Gjithë ditën, 19-vjeçarja qëndronte në telefon por askush nuk do ta mendonte atë se çfarë e reja kishte ndërmend të bënte.
I ftuar në emisionin ‘Pa gjurmë’ babai i saj Ismail Avdiu thotë se nuk e priste këtë vendim të së bijës, duke zbuluar edhe datajin e vjedhjes sw 230 mijë lekëve të vjetra. “Nuk e prisja kurrë nga fëmijët këtë gjë. Të dielën erdhi me djalin dhe me bashkëshortin në shtëpinë time për të më ndihmuar. Nuk u ul për të ngrënë bukë, nuk më hahet tha. Më parë nuk shkonte tek shtëpia e re për të fjetur ndërsa këtë herë këmbëngulte për të shkuar atje.
Në orën 3 të natës vjen dhëndrri dhe na thotë se Venera ishte larguar. Kishte hapur dritaren dhe kuptuam se kishte ikur. Njoftuam policinë menjëherë. Mu duk e çuditshme pasi atë ditë ishte rregulluar, ajo nuk vinte kurrë e rregulluar. Edhe dhëndri kishte kuptuar diçka tek ajo, pasi dy javët e fundit nevrikosej shpejt dhe nuk ishte më ajo Venera e parë.
Venera ishte shumë e brishtë, shumë puntore. Atë ditë më kishte vjedhur 230 mijë lekë të vjetra, por këtë e kuptuam më vonë. Venera ka rënë viktimë, jam tepër i bindur për këtë’, tha i ati E reja është martuar me shkuesi 3 vite më parë në Moravë me Rushit Gjolenën të cilët janë bërë edhe prindër të një djali. Sipas bashkëshortit të saj, kohët e fundit 19-vjeçarja kishte një gjëndje ankthi dhe ishte e mbyllur në vetvete.
Pas largimit, Venera i ka shkruar një mesazh bashkëshortit, Rushitit në rrjetin social facebook me një adresë fallco” jam mirë, jam në Berat mos u bëj merak thuaj babait jam mirë’’. Menjëherë pas largimit telefoni i saj rezulton i fikur, ajo ka marrë me vete pasaportën dhe kartën e identitetit.
