Ministrja e Mbrojtjes, Olta Xhaçka dhe ambasadorja e Shteteve të Bashkuara të Amerikës, Yuri Kim zhvilluan një vizitë në Bazën Detare të Pashalimanit, në Vlorë, për të cilën bashkë me Aleancën qeveria shqiptare po vlerëson mundësinë e modernizimit dhe transformimit në një projekt model të NATO-s.
Më pas, një udhëtim i shkurtër në Gjirin e Vlorës u mundësua nga anija Butrinti P-134, e cila ka marrë pjesë disa herë në operacionin “Sea Guardian” të NATO-s në detin Egje duke shpëtuar me qindra emigrantë.
“Me aleatin tonë strategjik, Shtetet e Bashkuara të Amerikës ndajmë jo vetëm misione të rëndësishme në teatrot operacionalë, por edhe qëllimin e përbashkët për modernizimin e Forcave tona të Armatosura”, tha Xhaçka./atsh
