Ministrja e Shëndetësisë dhe Mbrojtjes Sociale, Ogerta Manastirliu apelon për mbajtjen e maskës në ambiente të mbyllura tashmë e detyrueshme për të frenuar rastet me koronavirus.
Manastirliu theksoi se maskat dhe barriera mbrojtëse duhet të bëhet pjesë e veshjes së secilit prej nesh.
Sipas saj, duhet të ndihmojmë sistemin shëndetësor në përballimin e situatës.
“Maska ose barriera mbrojtëse duhet të bëhet pjesë e veshjes së secilit prej nesh në normalitetin e ri dhe vendosja e saj është ligj në të gjitha ambientet e mbyllura. Që të ndihmojmë sistemin shëndetësor në përballimin e situatës nevojitet që çdo qytetar të marrë përgjegjësi individuale, duke vendosur detyrimisht maskën, për të ulur përhapjen e infeksionit”, apelon ministrja./atsh
