Kryeministri Rama ka përshëndetur votimin e sotëm në Kuvendin e Kosovës duke i uruar rrugëtim të mbarë qeverisë së re dhe opozitës gjithashtu.
“U uroj rrugëtim të mbarë qeverisë së re të Kosovës e opozitës gjithashtu, në shërbim të interesit të popullit e të shtetit të tyre, me besim e shpresë se pas një periudhe jo të lehtë përpëlitjesh në procesin e maturimit demokratik, do të bëjnë së bashku punë të mira për Kosovën”, u shpreh Kryeministri Edi Rama.
Me 61 vota pro, 1 abstenim dhe 24 vota kundër, deputetët e Kuvendit i thanë “po” sot qeverisë së re të udhëhequr nga Avdullah Hoti i LDK-së./atsh
