Forcat e Armatosura janë një alternativë e jashtëzakonshme për çdo të sapodiplomuar dhe tashmë 60 të rinj që kanë një diplomë bachelor, do mund të titullohen oficerë dhe të kenë një karrierë të sigurt në Forcat e Armatosura pas përfundimit të kursit 1-vjeçar.
Lajmin e bëri të ditur sot Ministrja e Mbrojtjes, Olta Xhaçka, e cila u shpreh se “Forcat e Armatosura kanë nevojë për profesionistë të rinj”.
“Kushdo që ka përfunduar Fakultetin Juridik, të Shkencave Sociale, të Inxhinierisë Elektronike, Ekonomik, të Inxhinierisë së Ndërtimit, të Inxhinierisë Navale, Inxhinierisë Mekanike, Gjeoinformatikë e Gjeografi apo çdo fakultet tjetër dhe që është jo më shumë se 26 vjeç mund të aplikojë”.
Po ashtu, Xhaçka tha se mund të aplikojnë edhe ata që kanë përfunduar Fakultetin e Mjekësisë dhe janë jo më shumë se 31 vjeç”.
Xhaçka tha se “Forcat e Armatosura janë një alternativë e jashtëzakonshme për çdo të sapodiplomuar”.
“Plot 60 të rinj që kanë një diplomë bachelor, do mund të titullohen oficerë dhe të kenë një karrierë të sigurt në Forcat e Armatosura pas përfundimit të kursit 1-vjeçar”, tha ajo, ndërsa theksoi se aplikimet pranohen deri më datë 17 korrik 2020./atsh
