Presidenti i Republikës, Ilir Meta përgëzon Këshillin Politik për konsensusin e sapoarritur për Reformën Zgjedhore.
“Ky është një lajm pozitiv, por jo i mjaftueshëm për të garantuar zgjedhje të lira e të ndershme”, tha zëdhënësi i presidentit, Tedi Blushi.
“Kultura e konsensusit duhet të vazhdojë edhe për kushtet e tjera për të përshpejtuar çeljen e negociatave”, u shpreh ai.
“Falenderime edhe partnerëve tanë europianë për durimin e tyre”, theksoi Blushi.
“Falenderim të veçantë edhe për SHBA dhe Britaninë e Madhe që mbështesin të ardhmen europiane të Shqipërisë”, theksoi ai./atsh
