“Faktet janë fakte, janë duke shkuar afro çerekmilion shqiptarë që kanë marrë ‘pagat e luftës’”, deklaroi sot Kryeministri Edi Rama.
Rama ndau rastin e dy punonjësve të një lokali në Derven, ndërsa theksoi se ne po vazhdojmë t’u shkojmë nga mbrapa të gjithëve për t’u dhënë pagën një për një”.
“Kemi ndaluar këtu në Derven pa shkuar në Thumanë. Sapo u takova me Gjonin, i cili ka marrë 3 ‘pagat e luftës’. Rastësisht u takuam këtu se jemi duke vizituar kantieret e rindërtimit”, tha Rama.
Rama tha se “qytetarët kanë përfituar ose 3 paga, ose 400 mijë lekëshin sipas kategorive”.
“Askush nuk ka mbetur vetëm. Vazhdojmë bëjmë verifikime dhe vazhdojmë ne t’u shkojmë nga mbrapa të gjithëve për t’u dhënë pagën një për një, kokërr leku më kokërr leku”, tha Rama. /atsh
