Presidenti Ilir Meta e cilësoi sot shembjen e Teatrit Kombëtar, “një akt të programuar shkombëtarizues”.
“Shkatërrimi i Teatrit Kombëtar, nuk ishte thjesht dhe vetëm një akt cubash, antikushtetues dhe i paligjshëm, por një akt i programuar shkombëtarizues”, tha Meta.
Më herët, Kreu i Shtetit ka deklaruar se “mbështet fuqimisht një hetim ndërkombëtar për shkatërrimin antikushtetues, të paligjshëm dhe në mënyrën më antieuropiane të Teatrit Kombëtar”.
Ai është shprehur i gatshëm të bashkëpunoj me Aleancën për Mbrojtjen e Teatrit, si dhe me çdo institucion europian dhe ndërkombëtar për Kulturën./atsh
