Kampionati i Kategorisë Superiore të futbollit do të rifillojë më 3 qershor dhe do të përfundojë në datën 29 korrik 2020.
Ditën e sotme në ambientet e selisë së re të FSHF-së është zhvilluar takimi midis presidentëve të klubeve të Kategorisë Superiore dhe Federatës Shqiptare të Futbollit, ku u diskutua mbi rifillimin e garës futbollistike në vend.
Në takim merrte pjesë presidenti Duka, zv.presidenti Libohova dhe sekretari i përgjithshëm Shulku.
Gjatë këtij takimi u diskutua protokolli mjekësor dhe kalendari, ku u vendos që Kategoria Superiore të rifillojë më 3 qershor dhe të përfundojë në datën 29 korrik 2020. U vendos gjithashtu që finalja e Kupës së Shqipërisë të zhvillohet në datën 2 gusht./atsh
