Aktorja e njohur Enerjeta Jani Fuga ka përgënjeshtruar listën e shpërndarë nga Aleanca për Teatrin sipas së cilës ishte edhe emri i saj kundër prishjes së godinës së teatrit duke e konsideruar si të pavërtetë.
Aktorja e njohur që numëron me dhjetra role në skenën e teatrit, thotë se është pro godinës së re të teatrit dhe ka firmosur vetëm peticionin drejtuar Presidentit dhe krerëve politikë, ku kerkohet hapja e rrugës se ndërtimit të nje teatri te ri.
“Unë jam shprehur që në fillim që jam për një Teatër të rI. Procesi i teatrit të ri ka kaluar shumë faza dhe mund të jetë arsye që kolegët e mi të jenë keqkuptuar apo kanë keqpërdorur emrin tim. Unë mbrëmë kam firmosur dhe e theksoj përsëri që jam për teatër të ri”, thotë aktorja Enerjeta Jani Fuga./atsh
