759 qytetarë janë shëruar, ose 79% e të gjithë të prekurve nga COVID-19.
Dr. Eugena Tomini nga Instituti i Shëndetit Publik tha sot në komunikimin për mediet se “nga fillimi i epidemisë rreth 79% e të prekurve tashmë janë të shëruar. Po aq sa numri i të prekurve është edhe numri i të shëruarve gjatë 24 orëve të fundit. 6 raste janë të shëruar në 24 orët e fundit”.
Ndërsa lidhur me të shtruarit në spitalin Infektiv Tomini tha se aktualisht po trajtohen 16 pacientë, ndërsa 4 prej tyre janë në terapi intensive.
“Në vendin tonë aktualisht janë 177 persona aktivë me COVID19, kryesisht ne Tiranë, Durrës dhe Krujë. Fatkeqësisht 32 qytetarë nuk e kanë fituar betejën me Covid19, pavarësisht përpjekjeve të stafit mjekësor”, theksoi Tomini./atsh
