Në Spanjë, destinacioni veror më i frekuentuar nga turistët ndërkombëtarë, rregullat e distancimit mes personave, për të për të shmangur përhapjen e koronavirusit, do të duhet të qëndrojnë në fuqi këtë verë edhe në plazh, paralajmëroi të sot ministri spanjoll i Turizmit.
“Është shumë e rëndësishme që rekomandimet shëndetësore të mirëmbahen, ne do të duhet vazhdojmë masat që po bëjmë aktualisht, larjen e duarve, distancën sociale … Madhe edhe në plazhe”, deklaroi Reyes Maroto, i pyetur për një kufizim të mundshëm të aksesit në plazhe gjatë sezonit të verës.
“Derisa të kemi një vaksinë, asgjë nuk do të jetë njësoj si më parë. Grumbullimet do të duhet të jenë të kufizuara për të ruajtur distancën e sigurisë,” shtoi ajo, në një intervistë të botuar nga e përditshmja “El Pais”.
Plazhet janë mbyllur aktualisht në kuadrin e kufizimeve të rrepta që janë vendosur që prej 14 marsit dhe që janë zgajtur të paktën derim më 25 prill.
Kufijtë tokësorë janë mbyllur gjithashtu.
“Çështja e kufijve do të zgjidhet në funskion të zhvillimit të krizës shëndetësore. Nuk kemi një datë të saktë për rihapjen e tyre”, shtoi ministri.
Spanja, që është një nga vendet më të prekur nga pandemia me rreth 17 000 të vdekur, është destinacioni i dytë turistik botëror pas Francës dhe turizmi ndikon rreth 12% të PBB-së.
Vitin e kaluar, vendi ka pritur rreth 84 milionë turistë, një rekord./atsh
