Banorët e zonës Uji i Ftohtë-Shkolla e Marinës do të furnizohen me ujë të pijshëm e me cilësi 24 orë.
Në Këshillin Teknik të Agjencisë Kombëtare të Ujësjellës-Kanalizime dhe Infrastrukturës së Mbetjeve u miratua studimi i fizibilitetit për t’i hapur rrugë investimit, për të garantuar një nga zonat më të rëndësishme turistike të qytetit te Vlorës me furnizim pa ndërprerje me ujë të pijshëm.
Ujësjellës Kanalizime Vlorë bën të ditur se “projekti që do të nisë investimin brenda 2020 përfshin: rehabilitimin e rrjetit të jashtëm linja kryesore; stacione pompimi nr 2 , 3, linjë dërgimi të energjisë, ndërtimin e rrjetit shpërndarës për zonën Uji Ftohtë dhe për konsumatorët Rrapi-Shkolla Marinës dhe instalim 100% i matësve të ujit për konsumatorët në zonën ku shtrihet projekti.
Investimet në sektorin jetik të ujit synojnë jo vetëm të përmirësojnë ndjeshëm jetën e qytetarëve të Vlorës, por edhe të ndikojnë drejtpërdrejtë në zhvillimin e qëndrueshëm turistik, sektor kyç për ekonominë e Vlorës.//atsh
