Jozefina Topalli është ndër figurat më të spikatura në politikë, është e para grua që ka mbajtur edhe postin e Kryetares së Kuvendit.
Topalli ishte sot e ftuar në emisionin “Rudina”, në Tv Klan, ku ka treguar pamjet e shtëpisë së saj të fëmijërisë, një shtëpi 200-vjeçare.
Teksa tregonte ambientet e shtëpisë, politikania kujtonte me nostalgji momente nga fëmijëria e saj.
“Shtëpia tani është vjetëruar. Nuk mund të rri pa shkuar tek ajo shtëpi se aty kam lindur, jam rritur vetë, kam rritur edhe fëmijët e mi se shumë herë nëna kujdesej për ta. Fëmijëria ime ka qenë e gëzueshme pavarësisht vështirësive të tjera. Brenda familjes krijohej një ambient i bukur. Shtëpia ishte e madhe me oborr të madh. Brenda shtëpisë ishim rreth 20 e ca fëmijë, bashkë me komshitë luanim gjithë ditën bashkë, mësonim, grindeshim, pajtoheshim. Kam shumë kujtime”, tha Jozefina Topalli.
/shkodranews
