Ai u vu në pranga nga oficerët e policisë së Athinës. Bëhet fjalë për një 17-vjeçar, i cili konsiderohet pjesë e një bande që merrej me grabitje në kryeqytetin grek, në lagjen Exarcheia, raportojnë mediat helene, pa bërë të ditur identitetin e të ndaluarit.
Hetimet e policisë zbuluan se 17-vjeçari bashkë me të paktën 6 persona të tjerë, kishin ngritur një bandë, dhe me përdorimin e dhunës dhe kërcënimeve me thikë apo armë zjarri, u rrëmbenin personave celularë, sende të çmuara dhe para, shkruan Shkodranews.
Deri më tani, bandës i atribuohen 6 grabitje, ndërsa vijojnë hetimet për të zbuluar nëse kanë gisht në ngjarje të tjera kriminale. Gjatë momentit të ndalimit, adoleshentit iu gjetën me vete një sasi e vogël kanabisi.
/Shkodranews
