Gazetarja e kronikës, Klodiana Lala ka treguar se tre personat e shpallur në kërkim për ngjarjen në Ish Bllok, ku mbeten të vrarë një person dhe dy të tjerë u plagosën ndodhen në Shqipëri dhe nuk janë larguar jashtë vendit.
Sipas gazetares Klodiana Lala të tre personat në kërkim,Ervin Mata, i dashuri i Elvana Gjatës, Fabian Allushi dhe Mevjol Bilo, (të tre të shpallur në kërkim) sipas sistemit TIMS, nuk rezultojnë të jenë larguar nga Shqipëria.
”Në rrugë zyrtare, 3 të shpallurit në kërkim nuk kanë dalë jashtë vendit, këtë e konfirmon edhe sistemi TIMS, por mund të kenë përdorur forma të tjera. Nesër janë seancat për masën e sigurisë. Mund të ndodhë që të ketë dëshmitarë dhe prova të tjera.”
Kujtojmë se personi i dyshuar për vrasjen e Fabiol Gaxhës dhe plagosjes së Ervis Martinajt dheEljon Hatos thuhet se është truproja dhe kushëriri i këngëtares Gjata, njëherësh edhe pjesë e Forcave Komando ushtarake Mevjol Bilo-tha Lala.
