Deputeti i Partisë Socialiste, Erion Bracce gjatë një interviste për televizionin “Top Channel”, ka rrëfyer se një momenti i sikletshëm shumë vite më parë në jetën e tij, i ka lënë traumë sa që nuk dëgjon më muzikë klasike.
“Me sa duket, violina k lënë gjurmë traumatike tek unë. Nganjëherë kthehej edhe në detyrim, sepse më largonte nga lojërat. Kur kam dalë në klasë të 8 nga shkolla “8 Nëntori” mbaj mend se provimi i fundit që kam dhënë ishte pikërisht violina.
Mbaj mend si tani që më ka kapur një e dridhur, e cila nuk pushonte, aq sa dora nuk funksiononte të gjente notat, harku dridhej gjithashtu. Duke qenë se isha i mirë me mësime, drejtori i asaj kohe më la të largohesha nga provimi. Kështu që nuk dëgjoj muzikë klasike që atëherë”, -u shpreh Braçe.
