Deputeti i Parlamentit të Kosovës, Shkumbin Demaliaj ka dalë jashtë kontrollit duke kërcënuar dhe ofenduar rëndë ish-prokurorin Elez Blakaj.
Demaliaj e ka quajtur Blakajn ‘bir ku*** dhe idiot’ dhe nëse ky i fundit nuk ndiqet nga shteti këtë do ta bëjë ai dhe familja e tij.
“Ai është një idiot, një bir ku***, unë do ta ndjek privatisht me familjen time në qoftë se shteti i Kosovës nuk bën asgjë rreth hetimit të këtij prokurori”, është shprehur deputeti i AAK-së në gjatë një interviste në televizionin publik.
“Familja ime është sharë dhe ka pasur presion shumë të madh dhe se jemi ndjerë shumë të fyer që babai im i varrosur me nderime ushtarake është në listat e veteranëve të rremë”, ka vijuar Demaliaj.
Një ditë më parë deputeti në një status në Facebook e ka quajtur Blakajn dezertor.
“Evvvv Elez Blakaj hallall të qoftë..!!!!!!!!!!!! Por Babain tim Bajram Demaliaj të vdekur dhe të varrosur me nderimet më të larta ushtarake me ma shpallur mashtrues kurr hallall mos të qoftë o Dezerter..!! Shteti im i dashur dua drejtësi nga ti qe atë fundrrinë ta ktheni dhe gjykoni në Kosovë..!! Bashkëluftëtarë të UÇK- së mbajeni kokën lartë sepse askush nuk mundet të na thyej..!!”shkruhet në postimin në faqen e Demaliajt.
