Florin C. 43 vjeç, nuk mund ta mbajë mend se si ua ka ngulur thikën. Megjithatë, atij i vjen keq që dy personat, një roje nate dhe një truproje, u plagosën nga thika e tij. Një gjë është e qartë pohon shqiptari, se ai nuk ka dashur të vrasë askend. Prokurori austriak këtë ngjarje e sheh ndryshe. Në Gjykatën rajonale të Salzburgut ka vazhduar procesi gjyqësor.
Më 14 tetor 2017, në orën 18.30: Pas vizitës në një aheng privat, Florini dhe e dashura e tij shkuan në restorantin “After Five”. Atje, e dashura e tij ishte ngacmuar, i ka rrëfyer trupit gjykues Florini. Ai u përpoq të bisedojë me personin dhe me këtë rast është sulmuar. Edhe shoqëruesi i tij dyshohet se ka marrë një goditje: “Vetëm pashë gjak. Që nga ai çast, asgjë më nuk më kujtohet”. Sipas prokurorit Robert Holzleitner, ai sulmoi rojen e natës me thikë, me teh prej nëntë centimetrash, shkruajnë mediat austriake, përcjell Albinfo.ch.
Në sulmin e dytë, një truproje është gjendur në rrugë dhe pësoi dy plagë në shpinë, të thella katër centimetra. Viktima e parë u plagos në dorë. Holzleitner ka vazhduar: “Ai ka dashur t`i vriste që të dy. Kjo është e qartë, nëse goditni me me një forcë të tillë”. “Se ai ka dashur të lëndojë dikë, mund të akuzohet, por jo që ai ka dashur të vriste dikë”, ka thënë mbrojtësi Peter Lechenauer.
Babai shqiptar i dy fëmijëve, ka pohuar se thika i ka qëlluar rastësisht me vete. Meqë ai u fut në panik, përdori armën. Në videot e vëzhgimit, është mundur të vërehet një sjellje agresive. Harresën e tij, i akuzuari e argumentoi me konsumim të vodkës dhe kokainës, ndërsa i është konstatuar një shkallë prej 0.4 për qind. Shqiptari e mohi gatishmërinë për dhunë, ka vlerësuar neuropsikiatri: “Unë nuk jam një person i dhunshëm”. Mirëpo, Florini tashmë është një vrasës me një kallashnikov AK47 në vitin 1997, në Shqipëri. Pas kësaj, ai kishte vuajtur 13 vjet burgim nga gjithsej 17 të shqiptuara, duke u arratisur në Austri.
