Bashkëshortja e gjykatësit nga Shkodra në Krimet e Rënda Dritan Hallunaj i dha sot fund jetës duke u hedhur nga ballkoni i banesës ku jetonte në Tiranë.
37-vjeçarja Enkelejda Hallunaj mbeti e vdekur në vend. Ngjarja ka tronditur opinionin publik, shkruan ShkodraNews. Gazetarja Anta Muçaku përmes një postimi në rrjete sociale ka rrënqethur me fjalët e saj lidhur me ngjarjen.
Ja reagimi i gazetares:
Pa dashur të gjykoj si “turmë” e pa dashur të tregohem e nxituar aq kohë sa nuk ka ende një shkak zyrtar për vetëvrasjen e bashkëshortes së gjyqtarit Halluni…
POR gjithmonë kam menduar se gratë e politikanëve, gjyqtarëve, prokurorëve, e njerëzve të pushtetshëm në përgjithësi, jetojnë në një luftë të vazhdueshme.
Kostoja e të bërit kompromise me shumëçka, e të duruarit, e të përballuarit të presionit në emër të një “jetë më të mirë” ndonjëherë, është fatale.
Kur një grua, nuk arrin ta mbajë në jetë as fryti i barkut të saj, një vajzë 7-vjeçe, kjo do të thotë se ka arritur kulmi, s’ka më kthim.
Vettingu, drejtësia, luksi, paraja, familja… të gjitha shpërbëhen! Jemi në kohën kur njeriu që ha njeriun, po ha edhe vetveten! /ShkodraNews
