Anija Teuta, një mesjavë gushti Vlore, është ëndrra e një dite vere, të çdo pushuesi që s’di ku t’i çoje ditët e lejes në Vlorë.
Mos rri te Lungomare, se ajo është për darkë, as te Bolonja, se ajo është për dreke, as te Liro se aq vend ka, nuk del për këtë dyndje.
Merr një anije e nisu për ne Karaburun.
Vlora -Karaburun këtë vere është bërë si Vlorë – Skelë, dikur. Madje në këtë copë det ka më shumë taksi detare, se autobuza urbanë.
Teuta, është plot me portugezë dhe italiane që nuk heqin nga dora celularin dhe cigaren.
Mua si cigare m’u dukën.
Ndalesa e parë në Sazan.
Plazh si këtu nuk ka. Nuk e themi ne, e thonë të gjithë. Kur e sheh nga bregu, ndërsa ulërijnë napoletanët dhe pak më tutje anglishtfoles te kush e di sa shteteve, nuk dalin nga deti, te vjen befas vegimi i Sazanit siç do jete.
Tani është kështu dhe është ndalesa më e bukur e një barke në det.
https://youtu.be/xOQKWHdPnZE
Nuk të iket që këtu. Të gjithe xhirojnë dhe duan te ndalojnë sërish, por Teuta ka rregulla. Xhirim po, ndalim jo kudo.
https://youtu.be/DONWyOZFuiM
Ndalojmë te Shpella Piratëve.
Këtu nuk mbetet njeri ne barke, të gjithë në det se thonë po nuk u fute në atë ujë, kot i thua vetes e dua detin. As të do, as e do. Ndaj , ec , hidhu!
https://youtu.be/EsmBNMg28Qk
Dhe në fund Karaburuni. Në Shën Vasil nuk ka më vend. Ne jemi anija 12 sot. Pa numëruar skafe, jahte plot me dashnorët e shkuma party tallava.
Po punë e madhe që nuk ka vend. Mund të rrish në det e të thahesh në çdo anije, që në dreke, kthehet ne restorant ne Karaburun.
Dhe mos ik pa dëgjuar edhe këtë. Se valle Tropoje në Karaburun, nuk dëgjon përditë.
https://youtu.be/j-77rLvC5ng
Të gjitha këto ndodhin vetëm ne një qytet. Në Vlorë, ku tjetër. Që nuk do ta njohësh
më, kur të vish./ dritare.net
