Pas helmimit te 39 personave ne 3 dasma te organizuara ne nje restorant ne Elbasan, Autoriteti Kombëtar i Ushqimit menjëherë pas informacionit ka mbërritur në vendin e ngjarjes ku ka konstatuar kushtet e rënda higjeno-sanitare në subjekt.
Dyshohet se helmimi eshte shkaktuar per shkak te pranise se salmoneles.
NJOFTIMI
Konkretisht, trupa inspektuese e DRAKU, Elbasan në bashkëpunim me Krimin Ekonomik gjatë orëve të vona të mbrëmjes (6.08.2018) kanë bërë verifikimin e kushteve dhe prezencës së produkteve sidomos atyre me origjinë shtazore të gjendura në subjektin “Laguna Blu” me aktivitet restorant. 39 personat që pretendohet se janë helmuar nga ushqimi kanë qenë pjesë në dasma të ndryshme (të shtunën drekë/darkë si dhe të dielën në darkë) nga i njëjti lokal në qytetin e Elbasanit, subjekti i lartpërmendur.
Nga verifikimi i subjektit të shtetasit Manol Musaj rezultoi se kishte mungesë të rëndë të kushteve higjeno-sanitare si dhe mungesë të dokumentacionit shoqërues(gjurmueshmëri).
Në momentin e inspektimit në subjekt, ndodheshin 12 kg mish vici, 40 kokrra veze, 25 kg mish gici, 5 kg djathë i bardhë si dhe 4 kg djathtë kaçkavall pa etiketë. Për produktet e gjendura në subjekt u realizua marrja e mostrave me qëllim kryerjen e analizave për prezencë të Salmonelës. Për sa më sipër u mora masa administrative bllokim i menjëhershëm i aktivitetit deri në daljen e përgjigjes së analizave si dhe masë administrative me gjobë në vlerën 700.000 lekë.
Ndërkaq, po të hedhësh një sy të shpejtë në profilin e Facebook-ut të këtij lokali shohim që ka një eksperiencë disa vjeçare dhe se janë të shumta ceremonitë martesore që janë zhvilluar në ambientet e tij. Madje shpeshherë organizoheshin edhe festa apo party me të ftuar këngëtarë të njohur si Ermal Mamaqi, apo Xhensila Myrtezaj.
