Jemi në gusht por dy ditët e fundit temperaturat kanë pësuar rënie duke në bërë të ndihemi sikur jemi në një vjeshtë të hershme.Mirëpo, si duket gushti do të vijojë në shtator.
Meteorologia Tanja Porja ka treguar se si do të vijojë moti ditët e ardhshme, ajo tha:
Shira të dobët në pjesën më të madhe të Shqipërisë, ndërkohë që priten rrebeshe të përkohshme në zonat qendrore dhe juglindore. Këto kushte do të na shoqërojnë deri në orët e vona të pasdites së sotme dhe më pas gradualisht pritet kthjellimi i motit në zonat perëndimore, por edhe gjatë natës dhe ditën e martë pritet kthjellimi i motit në të gjithë territorin shqiptar. E mërkura deri në fundjavë ka rritje të lehta të temperaturave, pra rikthehen sërish temperaturat e larta.”
Por, surprizat nuk mbarojnë këtu, pasi Porja shpejton që edhe muajt e fundit të këtij viti do sjellin befasi jo të paktë.
Meteorologia përfundoi:
Dhe muaji shtator parashikoj në fakt që të jetë më i ngrohtë sesa një shtator normal, duke qenë se ka pasur një aktivizim të fenomenit gjatë muajit gusht, pritet që deri në fund të 2018 kjo anomali do të sjellë më shumë reshje, si dhe dhjetori që është muaji i parë i stinës së dimrit parashikoj të jetë më i ngrohtë se një dhjetor normal.”
