Policia ka dhënë detaje paraprake mbi aksidentin e rëndë të ndodhur mbrëmjen e së dielës në fshatin Arapaj të Roskovecit, në Fier. Nga ky aksident kanë ndërruar jetë kushërinjtë Amarildo dhe Festim Dogan. Edhe pse janë dërgur në spital për të marrë ndihmën mjekësore dy të rinjtë nuk kanë mundur t’ju mbijetojnë plagëve të marra.
Njoftimi i policisë
Në datën 26.08.2018, në orën 20:40, në urgjencën e Spitalit Fier janë sjellë në gjendje të rëndë shëndetesore e më pas kanë ndërruar jetë shtetasit A.D, 29 vjeç dhe F.D, 21 vjeç, të dy banues në fshatin Arapaj, Roskovec.
Nga të dhënat paraprake, të dy shtetasit janë aksidentuar në fshatin Arapaj, nga një mjet që drejtohej nga shtetasi A.Ç, banues në fshatin Arapaj.
Dy viktimat kanë qënë këmbësorë ndërsa mjeti ka dalë nga rruga dhe ka rënë në kanal.
Grupi hetimor ka shkuar drejt vendngjarjes dhe po punon për sqarimin e plotë të rrethanave të këtij aksidenti.
