‘Në Romë është vetëm Casamonica dhe kaq. Aty ku jemi ne askush nuk vjen të na çajë kokën’.
Kështu e nis rrëfimin e tij për L’espresso, mafiozi Giuseppe Casamonica, i mbiquajtur Bìtalo, padrinoja i Klanit famëkeq i arrestuar për trafik heroine.
Në intervistën e tij për gazetaren Floriana Buflon ai flet edhe për rivalitetin me bandat shqiptare, të cilat me sa duket nuk i merr në konsideratë.
‘Nuk ka një organizatë kriminale që mund të përballet me ta, sepse nëse nuk është vetë Giuseppe, janë vëllezërit, xhaxhallarët apo kushërinjtë’, shkruan revista italiane.
Ajo flet për një rrjet solid që garanton mbrojtje në këmbim të parave.
‘Duhet paguar çdo javë, në të kundërt janë të mbaruar’, shkruan L’espresso.
‘I pyetur për shqiptarët dhe zonat e tyre të influencës apo problemet me ta, bosi përgjigjet thuajse i çuditur: ‘Kur thua Casamonica në Romë ke thënë diçka. Shqiptarëve u kemi thyer kockat dhe i kemi përzënë’./Opinion.al
