Kryeministri i vendit, Edi Rama vlerësoi rekomandimin për liberalizimin e vizave që iu bë Kosovës, megjithëse e quajti këtë vendim të vonuar nga ana e Brukselit.
Përmes një statusi në rrjetin social “Facebook”, Rama përshëndeti vendimin si një hap pozitiv që sipas tij, ju dha më në fund edhe Kosovës.
“Më në fund një hap pozitiv i stërvonuar i Brukselit për liberalizimin e vizave për Kosovën! Uroj që Këshilli dhe Parlamenti Europian të mos mendohen po të rreshtohen në favor të heqjes së kësaj pengese të pajustifikueshme mbi Kosovën”, – shkruan Rama./atsh
