Ka lajme të mira nëse jeni lodhur me motin e paqëndrueshëm që nga dielli kthehet në breshër dhe nga breshëri në vetëtima dhe përmbytje.
Nga e diela (nesër) dhe ditën e vazhdim Shqipëria do përfshihet nga masat ajrore të nxehta nga kontinenti afrikan duke bërë që temperaturat të rriten ndjeshëm mbi gjithë Shqipërinë.
Sipas parashikimit të Meteoalb pritet që periudha 29 korrik-5 gusht të shënojë vlerat termike më të larta të vitit 2018; sigurisht pa marrë në konsideratë 20-ditët e fundit të gushtit që përkojnë dhe me fundin e stinës së verës, për të cilat ka sinjale të forta që sjellin temperatura pranë vlerave tipike të gushtit; nuk përjashtohet mundësia e ndonjë 3-ditëshi ku temperaturat ngjiten mbi 36°C.
Kështu që nëse pushimet i keni planifikuar në gusht, mos u shqetësoni sepse retë nuk do ua prishin aspak planin tuaj.
Gjithashtu tregoni kujdes me ekspozimin në diell të fëmijëve dhe moshave të treta./njekomb
