Pjesa e gjashtë e aventurave të Ethan Hunt, si gjithnjë i mishëruar nga aktori Tom Cruise në ‘’Misionin e Pamundur: Grimcat radioaktive’’ u pozicionua në vend të parë në të gjitha sportelet e shitjes së biletave vetëm në fundjavën e parë të publikimit të tij, sipas të dhënave të fundit të kompanisë ‘’Exhibitor Relations’’, të publikuara të hënën.
Filmi, i realizuar ashtu si seria e mëparshme nga Christopher McQuarrie dhe i xhiruar në pjesën më të madhe të skenave në Francë, ka fituar 61,2 millionë dollarënë SHBA dhe në Kanada midis intervalit kohor nga e premtja në të dielë.
Në këtë seri të re, Ethan Hunt dhe ekipi i tij në IMF (Forca e Misionit të Pamundur), specialist i spiunazhit në kushte ekstreme, janë nisur në një ekspeditë gjurmimi për të gjetur plutoniumin e vjedhur nga një organizatë ndërkombëtare terroriste.
Paul Dergarabedian, ekspert i kompanisë ‘’ComScore’’ u shpreh në një komunikatë për shtyp se ky ishte fillimi më i mirë i gjithë sagës.
Komedia muzikore në nderim të grupit suedez ‚‘‘Abba‘‘,, “Mamma Mia! Here We Go Again”, u rendit e dyta me 15,1 millionë dollarë të ardhura. /atsh
