Jetë të prera në mes. Familje që nuk di ende se ku i kanë të dashurit e tyre. Bilancet dramatike vijnë nga periferia e Athinës, ku zjarri u mori jetën 76 personave dhe la të plagosur qindra të tjerë.
‘Zougla.gr’ i ka kushtuar një artikull një familje, e cila u shua nga flakët që pushtuan Rafinë dhe Matin.
Mes 24 fëmijëve që humbën jetën ishin edhe dy vogëlushë, motër e vëlla.
Bëhet fjalë për ish-çiklisten e AEK, Evita Fytrou, 14 vjeçe, e cila u gjet e vdekur në det.
Vetëm pas disa orësh kërkime u arrit që të gjendeshin edhe babai edhe vëllai i saj, Gregory Fitrous, 54 vjeç dhe Andreas Fitrous, 11 vjeç, dhe ky i fundit një çiklist.
Dy fëmijët kishin ndjekur pasionin për çiklizmin si babai i tyre, por që flakët e zjarrit i morën jetën pabesisht.
