Mbrëmjen e së hënës në qytetin e Vlorës një i ri u ekzekutua me armë zjarri sapo zbriti nga makina. Vasil Dervishaj rezultoi se ishte pronari i një lokali dhe një emër i njohur për policinë.
Sipas ‘’Panorama-s’’ bëhet me dije se 29-vjeçari Vasil Dervishaj ka qenë i arrrstuar më parë për trafik lëndësh narkotike.
Menjëherë policia u vu në lëvizje dhe i përqendroi hetimet në dy pista:
1-Krimi për hesape droge;
2-Krimi për shkak të hakmarrjes pas një hasmërie të vjetër
Uniformat blu nga ana e tyre kanë ngritur pika kontrolli për të kapur autorët, ku thuhet se janë larguar në drejtim të Fierit për të humbur gjurmët.
Policia ka bërë edhe disa shoqërime për t’i pyetur lidhur me ngjarjen, por nuk ka asnjë të dyshuar apo identifikuar si autor./Pamfleti
