Punimet në Kuvend i janë kthyer normalitetit, por nuk kanë munguar diskutimet e ashpra pas shtyrjes së afteve për hapjen e negociatave. Opozita ka sfiduar kryeministrin Rama, të cilin e kanë pyetur nëse do të japë dorëheqje në rast se do të dështojë për të dytën herë.
Megjithatë Rama nuk i ka kursyer ironitë duke u kundërpërgjigjur me shembullin e kryeministrit të Maqedonisë Zaev.
“Sot kam marrë ftesën bashkë me kryeministrin maqedonas për të shkuar në Bruksel për t’u ulur me komisionin dhe për të filluar diskutimin për punën për përgatitore, që është puna e të gjithë procesit analitik për hapjen e negociatave. Këta thonë jep dorëheqjen, do flas edhe me kryeministrin e Maqedonisë dhe e parashtroj këtë kërkesë, por do u kthej përgjigje”, tha Rama.
