Presidenti i Federatës kosovare të Futbollit, Fadil Vokrri u nda nga jeta në mënyrë të parakohshme mëngjesin e së shtunës si pasojë e një ataku kardiak gjatë kohës që ishte duke kryer ushtrime fizike në palestër. Por djali i tij, Gramoz Vokrri thotë se i ati i kishte mësuar shumë gjëra me rëndësi në jetë.
Ai thotë se i ka shumë borxh ish-sulmuesit të Prishtinës, Partizanit dhe shumë skuadrave tjera.
Statusi i Gramoz Vokrrit në Facebook:
“Të gjithë të njohin si legjendë, por unë të njoh si baba, [si] njeriun që më mësoi gjëra më rëndësi në jetë: respekt, humanizëm dhe punë.
Të kam aq shumë borxh!
Pusho në paqe baba legjendar!”
