Fitorja e Zvicrës ndaj Serbisë, me dy golat e realizuar nga futbollistët shqiptarë, ka gëzuar zemrat e të gjithë patriotëve anembanë botës.
Festa ka shpërthyer dhe rrugët janë pushtuar nga zemrat që gufonin plotë krenari, por në zemër të Zvicrës, në qytetin e Baselit, një shqiptar është qëlluar me thikë nga 3-4 tifozë serbë.
Shqiptari ishte duke festuar me flamurin kuq e zi, kur është sulmuar nga tifozët, të cilët, pasi i kanë marrë dhe grisur flamurin, nuk kanë nguruar as ta qëllonin.
I riu u dërgua në spital nga një shok i tij dhe është pa probleme për jetën.
Policia ka nisur hetimet dhe po kërkon personat që e kanë sulmuar./njekomb
