Robert Bitri është cilësuar shpesh në media edhe si deputeti rebel i LSI-së për shkak të votave të tij kundër vullnetit të grupit apo edhe qëndrimeve në sallën e Kuvendit kur grupi i LSI-së largohej.
Të paqartë për pozitën e tij brenda grupit, tashmë që ka gati një muaj që ka hequr dorë nga drejtimi i LSI-së së Fierit, Bitrin e shohim krahë për krahë me Edi Ramën.
Në një foto të siguruar nga “BalkanWeb” ai shfaqet përkrah kryeministrit Edi Rama (i veshur me të verdha) gjatë turit të llogaridhënies në Fier e Lushnje.
Nuk dimë si mund ta justifikojmë këtë afrim të tijin me Ramën, në një kohë që kryetari i grupit ku bën pjesë, Petrit Vasili hedh çdo ditë ndonjë akuzë të re për të parin e qeverisë.
