Një aksident i rëndë ka ndodhur pasditen e së shtunës në aksin rrugor Elbasan-Metalurgji ku një makinë tip Mercedes ka përplasur shitësen e frutave anës rrugës. Ajo është dërguar menjëherë në spitalin rajonal, por nuk ka arritur t’i mbijetojë plagëve të marra.
Siç raporton ‘’Report Tv’’ shtetasi 23-vjeçar me iniciale G.H është ndaluar nga policia dhe po merret në pyetje. Në vendngjarje ndodhet grupi hetimor dhe po punon për zbardhjen e plotë të shkakut të aksidentit.
