Seanca e sotme në Kuvend është shoqëruar me akuza dhe tensione. Ka qenë deputetja Albana Vokshi ajo që ka mbajtur fjalën nga rradhët e opozitës, e cila ka akuzuar maxhorancën për dhunë ndaj protestuesve referuar rastit të Bledi Kasmit, kryeredaktorit të RD. Gjatë fjalës së saj Vokshi u shpreh se sulmi ishte i qëllimshëm.
Kreu i Kuvendit duke zbatuar rregulloren, i ka ndërpresë fjalën, por Vokshi ka kërkuar që të flasë sërish. Pas replikave mes Vokshit dhe Ruçit, deputetët e opozitës janë ngritur dhe kanë bllokuar foltoren, në shenjë proteste, pasi sipas tyre u ndërpre fjala pa të drejtë.
Ndërkohë që Partia Demokratike dhe Basha nëpërmjet Facebook-ut, ka pasqaruar fjalën e Vokshit, e cila i ka bërë thirrje Ramës për të kërkuar falje gazetarit Kasmi për dhunën e ushtruar nga policia gjatë protestës.
Edhe pas rinisjes kreu i Kuvedit kryeparlamentari Gramoz Ruçi ka kërkuar 30 minuta pushim, pasi kreu i grupit Parlamentar të Partisë Demokratike mori fjalën duke hedhur lumë akuzash në drejtim të qeverisë dhe më konkretisht ndaj ministrit të Brendshëm, Fatmir Xhafaj.
