Pse nuk duhet mbyllur me kaq….
Dje nga emisionet e lajmeve mësuam se një prokuror ndryshoi qëndrimin e kolegut të tij në lidhje me vrasjen e djaloshit Marvi Mihali…bashkëpuntorët në vrasje prokurori Artan Lulo i kishte klasifikikuar si përgjegjës për mos kallxim krimi, ndërsa pamjet filmike treguan se ata ishin bashkëpuntorë në krim…Në një farë kuptimi drejtësia hyri në hullin e duhur, tani është rradha e gjykatës që të tregojë profesionalizëm, korrektes ligjore dhe përgjegjë si, sepse marrja e jetës është krimi më i rëndë.
Unë dua të parashtroj diçka tjetër. Përse ndodh që bazuar në të njëjtin Kod Penal dhe të Procedurës Penale si dhe të hetimit të ngjarjes pa shtuar asgjë të re nga të dhënat, dy prokurorë kanë qasje të ndryshme?! Kush është prokurori Artan Lulo? U përpoqa të gjeja diçka on line por nuk munda. Si njeri them me bindje se ai nuk është human, atij si ben përshtypje vrasja e një të riu, madje sillet me autorët sikur ti ketë kilentët e tij. Sa raste të tilla ka? Atëhere unë si qytetar ngre ???????? të shumta. Kërkojë që ky prokuror për fshehje të krimit, për moskallxim krimi si detyrim ligjor që ka në kryerjen e detyrës të meret i pandehur dhe të dënohet. Kur një mjek dështon me një pacient dhe i merr jetën, ai shkon në burg. Kur dikush me apo pa dashje në kryerjen apo moskryerjen e detyrës dëmton apo i merr jetën dikujt përgjigjet para drejtësisë. Pse prokurorët dhe gjyqtarët që kryejnë vepra të tilla në mbrojtje të krimit, korrupsionit, apo veprimeve antiligjore nuk duhet të përgjigjen? Do doja që jashtë rradhe këtij prokurori ti bëhet skaneri Vetingut , të shohim sa i pasur është dhe si e ka vënë këtë pasuri, gjithashtu të hetohet nëse ata që lëroji sa kanë paguar nëndorë (nëse kanë paguar gjithnjë)…Nëse nuk ndodh kjo, fara e keqe e tij nesër do shtohet dhe do jetë e pakontrolluar…Unë e di që nuk është burgu që edukon një shoqëri, por po kaq mirë e dimë të gjithë se të marrësh jetën e një njeriu nuk mund të mos shkosh në burg…Ndjehem shumë i keqardhur kur e shikojë Pavllon dhe të shoqen të dërmuar dhe pa motiv më në jetë….dhe me një nivel të lart qytetarie duan vetëm drejtësi dhe jo hakmarrje! I them këtij prokurori, nëse keni fëmijë dhe ju i ushqeni dhe edukoni me paratë e rryshfetit të keqbërësve deri në rastet e vrasjeve, ju po vrisni çdo ditë fëmijët tuaj….ata janë në rrezik…po i prishni si njerëz dhe një ditë ata do t’ju neverisin!
Pkabo 29 maj 2018
