Të tjera zhvillime priten të ndodhin me çështjen Tahiri, mësohet së fundmi se ish ministri i Brendshëm pritet të dalë përpara gjykatës brenda 72 orëve. Në këtë seancë, Tahiri do të merret në pyetje përveç se do të njihet me masën e sigurisë. Burime nga prokuroria bëjnë me dije se me kërkesën për masë arresti ndaj Tahirit, prokurorët kanë paraqitur prova të reja.
Prokuroria ka siguruar edhe materialet e gjetura nga letërporositë e ardhura nga Italia dhe Greqia. Gjykata e Krimeve të Rënda dha një ditë më parë, masën e sigurisë “arrest shtëpie” ndaj Tahirit, duke iu marrë pasaporta dhe karta e identitetit. Prokuroria kishte kërkuar masën e sigurisë “arrest me burg”.
