Ekspertët e Këshillit të Qarkut Vlorë, inspektuan investimin e pikës panoramike dhe sportive në Llogara, një projekt ky i Këshillit të Qarkut Vlorë i financuar nga FZHR.
Pika sportive Llogara së bashku me 2 projektet e tjerë të përfunduara: ai Shtegut sportiv të Gjipesë dhe Pikës së vrojtimit në kalanë e Porto Palermos, bën pjesë në një paketë të plotë projektesh (BNB) që KQ ka miratuar me qëllim promovimin e turizmit dhe sporteve ekstreme në natyrë.
Me keqardhje u konstatuan në këtë investim dëmtime të mëdha nga dora e njerëzve të papergjegjshëm, si shkulja e gjithë ndriçuesve që i jepnin kësaj pike një funksionalitet dhe gjatë orëve të natës.
Këshilli I Qarkut Vlorë po ndjek të gjitha rrugët ligjore duke denoncuar pranë organeve kompetente, por fton dhe të gjithë komunitetin që të ruajë pronën publike dhe në rast konstatimi të akteve të tilla të njoftojë menjëherë organet kompetente.
Më poshtë disa foto të dëmtimeve.
