Një lajm për të gjithë të apasionuarit e arteve marciale mikse, sidomos për shqiptarët, pasi ka të bëjë me Ilir Latifin, që po ngjit majat në UFC.
Pak ditë më parë ishte në Tiranë për të promovuar sportin e arteve marciale mikse dhe takuar fansat e tij, duke mos bërë me dije emrin e rivalit, por sot është zyrtarizuar gjithçka.
Shqiptari i vetëm i UFC-së, Ilir Latifi, do të duelojë më 22 korrik në Gjermani ndaj brazilianit Glover Teixiera, duel i vlefshëm për eventin e UFC-Hamburg.
Kjo është një përballje e fortë mes dy rivalësh në peshën “light heavyweight”, madje do të duelojnë për fitoret numrat 3 dhe 4 të këtij divizioni.
Teixiera, 10 fitore e 4 humbje në kafaz, vjen pas dy fitoreve në 3 përballjet e fundit, ndërsa Latifi (14 fitore, 5 humbje e 1 barazim) ka fituar 5 nga 6 duelet e fundit.
Kjo përballje pritet me interes, pasi fituesi mund të marrë titullin kampion bote të përkohshëm në këtë peshë dhe në të ardhmen të duelojë me kampionin e kësaj kategorie, Luke Rockhold.
