Orkestra Rinore Shqiptare me një Koncert Sinfonik hapi siparin e Aktiviteteve Kulturore për Sezonin Turistik 2018. Të shumtë ishin artdashësit e muzikës klasike në mbështetje të Orkestrës Rinore Shqiptare.
Bashkia Vlorë mbështet edukimin përmes Artit dhe Kulturës dhe zhvillimin e jetës kulturore nëpërmjet evidentimit të talenteve te reja. Koncerti u çel me “Himnin e Gëzimit” nga Beethoven, dedikuar Javës së Europës.
Nuk munguan personalitete të shumta prezent në sallë, si Kryetari i Bashkisë i cili përshëndeti koncertin dhe të rinjtë si potencial i zhvillimit të vendit.
Gjithashtu prezent ishin, Prefekti i Qarkut Vlorë. Konsulli i Nderit te Konsullates Austriake ne Vlorë, Konsullja e Konsullatës së Përgjithshme të Italisë në Vlorë, Drejtoresha e Institutit Italian të Kulturës në Tiranë.
Koncerti u mirëprit nga publiku i cili vlerësoi këtë Orkestër Rinore. Aktivitete të shumta do të pasojnë në të gjithë muajin Maj, në të gjitha sheshet dhe pikat turistike të qytetit.
Ky Koncert u zhvillua nga Bashkia Vlorë, Instituti Italian I Kulturës në Tiranë dhe Konsullta Italiane në Vlorë.
