Gazetari i kronikës, Artan Hoxha ka dhënë alarmin mbi rrezikun që i kanoset ish-ministrit të Brendshëm, Saimir Tahiri.
Ai tha në studion e Ilva Tares se Tahirit po i rrezikohet jeta pasi hoqi dorë nga mandati i deputetit, ndërsa nuk nguroi të shtonte se ish-ministri është nën vëzhgimin e skuadrës operacionale dhe nga prokuroria.
Hoxha u shpreh ndër të tjera, duke dhënë detaje:
Unë di që Saimir Tahiri si qytetar i thjeshtë është në vëzhgim të skuadrës operacionale, e ka vënë në vëzhgim prokuroria edhe kë takon në rrugë me kë kontakton, e ka bërë prokuroria tani.
Unë një ditë në një lokal dhe përballë vura re që ishte Tahiri me persona që ai i njihte, edhe unë i njihja dhe makinat që pashë rrotull pashë që ishin të skuadrës operacionale.
Së dyti Tahiri u paraqit në parlament dhe u tha se kërkoi të shpëtonte mandatin. Po të kujtojmë, ai kërkoi të fliste, por ndodhi incidenti me miell e vezë dhe s’pati mundësi të fliste, edhe këtë të enjte, më ka rezultuar se ka kërkuar të flasë në seancë plenare.
Por fakti që atë ditë në listë ishin dhe 40 deputetë të opozitës, ka gjetur zgjidhje selinë e Kuvendit, në këtë prizëm dorëheqja e Tahriti i ka shërbyer shumë personave që kanë qenë nën presion gjatë kësaj kohe që nga Rama e deri më poshtë.
Opozitës i ka rrëzuar një lloj kauze ndaj tani është aktivizuar varianti që ai është larguar në një marrëveshje me Ramën.
Saimiri është dënuar moralisht, politikisht dhe publikisht, por ende nuk është dënuar me gjyq”.
Më tej ai tha se “që nga momenti që ka filluar çështja, nuk më janë dukur të besueshme provat.
Ka raste përgjimesh ku janë përmendur emra ministrash dhe kryeministrash. Ka pasur raste edhe të përgjimeve direkt të ministrave”.
