Profesor Përparim Kabo komenton procesin e Vettingut. Sipas Kabos ky proces është shumë i ngadaltë, duke e cilësuar atë si telenovelë.
Ndërsa shton se procesi duhet të përfundojë brenda 2018-ës.
“Nëse janë për të kaluar rreth 400 gjyqtarë dhe prokurorë në këtë lloj “purgatori” me objektiv që të pranohen në Parajsë…dhe çdo muaj si edhe po shohim kalojnë 4 persona që në 10 muaj bëhen 40(sepse në verë ikin me pushime) sipas një llogarije të thjeshtë që të përmbyllët duhen 10 vite, ose pesë vite për gjysmën e tyre”, – shprehet ai ndër të tjera.
Reagimi i plotë:
Vetingu….ka nisur në sistemin e drejtësisë…përmes kronikave televizive shikojmë si hynë në sallë gjyqtaret që japin spjegime dhe argumentojnë e shpallin vendime dhe kanë rrëzuar pjesën më të madhe deri më tani…Por rritmi është një javashllëk zhgënjyes…Nëse janë për të kaluar rreth 400 gjyqtarë dhe prokurorë në këtë lloj “purgatori” me objektiv që të pranohen në Parajsë…dhe çdo muaj si edhe po shohim kalojnë 4 persona që në 10 muaj bëhen 40(sepse në verë ikin me pushime) sipas një llogarije të thjeshtë që të përmbyllët duhen 10 vite, ose pesë vite për gjysmën e tyre.
E keqja është se kur ta mbyllin të fundit po gjatë këtyre viteve ju vjenë rradha atyre të parëve të rishikohen ndërsa ata që ende nuk janë purifikuar apo kontrolluar për pastrim do vijojnë të jenë në punë duke vazhduar zanatin dhe avazin…Thjesht kjo është një zvarritje që e disfunksionon vetë procesin dhe nuk mbrin atje ku duhet dhe publiku pret dhe beson.
Ky proces duhet mbyllur brenda vitit 2018-të ndryshe tërhiqe mos e këput do të thotë si ajo telenovela me puntata -soap opera që shohin shtëpijaket çdo pasdite me kërshërin e njerëzve pa motiv që nuk besojnë të historia e tyre dhe dashurohen me histori filmash…!
